Descifrando a Historia

Podcast en galego para analizar a Historia de Galicia. O principal obxectivo é contar partes da historia do pobo galego que se descoñecen ou que merecen verse desde outra perspectiva, e que así o oínte se faga a súa propia reflexión persoal. Non son curiosidades, é Historia.

Viaxantas

Viaxantas é un podcast bimensual en galego para os amantes das viaxes, as experiencias e a boa comida. Un espazo dirixido por Cris Terceiro con entrevistas e no que ti tamén podes facernos chegar as túas achegas e recomendacións.

O meta podcast

Un programa que xorde do TFG e que, mediante unha escolla totalmente arbitraria dos convidados, pretende dar a coñecer a realidade do podcast en Galicia e en galego.

Recuncho Gamer

Este é o podcast de Recuncho Gamer, un podcast onde falamos sobre videoxogos cun ton desenfadado, co foco especialmente posto nos grandes clásicos. Realizado coa colaboración de Radio Coruña Cadena Ser.

Mi madriña

Un podcast en galego (desde London), para galegos. Pasa o tempo con Carlos e Edgar falando, compartíndo, e ensinándolles a beleza do idioma!

Procastination

Somos os Procastination (antes Bocachanclas), uns amigos que falan… falan moito… incluso de máis. As veces metémonos en sumidoiros de opinión que normalmente nos levan a botar unhas risas xuntos. Nunca se nos pasara pola cabeza publicar isto, pero se uns profesionais poden facelo… por que nós non?

Vila Araúxo

Benvid@s a este espazo imaxinario levado por Lois Blanco Araúxo e Carlos Blanco Vila, no que iremos convidando xente que nos presta para falar do que nos pete… coa música e a fábula como fíos condutores.

Café Derby 21

Unha sobremesa cultural e virtual da man da revista Luzes. Con Nicolás Carreira, Carme Domínguez, Adrián Lede e un invitado ou invitada cada semana. Todos os mércores novo programa.

MBA Mal

Se tes un título na Universidade da Vida, necesitas un p**o Máster. Este é ese Máster. Un programa formativo diferente para petalo no día a día que ten como alicerces a alimentación baseada en cervexa en vaso de tubo e nos pantalóns de fubito como prenda única. Cada programa, analizamos un tema desde o punto… Seguir lendo MBA Mal

Km de balde

Camiño por prescripción médica. Vale, tamén porque o disfruto. Neste falangullo fálovos das cousas que se me pasan pola cabeza mentras pasan os kilómetros.

areias:sonoras

as areias comuns metem-se nos olhos,as areias sonoras entram pelas orelhas. Falangullo persoal de ideas ventureiras, pensamentos peregrinos, anacos de memoria, ferruxe emocional e viaxes de ida e volta. Producido entre 2006 e 2009. Foi un dos primeiros feitos en galego. Regresou no 2020.

FAN FAN

FAN FAN é un podcast conducido por Cibrán Tenreiro arredor do fenómeno fan na música e as cousas que fai aparecer: novas obras, comunidades organizadas e emocións intensas.

A tribo Radio

A TRIBO é un programa de radio deseñado especificamente para Internet, que emerxe desde o confinamento, para dar voz a toda esa comunidade que aspira a unha sociedade crítica, sensible ás necesidades das máis desfavorecidas, aos cambios sociais, ao medio ambiente, á ciencia, á cultura. Un espazo onde atoparnos, tecer redes e complicidades. A TRIBO… Seguir lendo A tribo Radio