Este podcast xorde da nosa radio aberta e participativa. Buscamos facer visible o invisible e utilizar a fala como ferramenta dinamizadora e mostrar a diversidade da nosa cultura. Convidámosvos a escoitar as entrevistas que fixemos dende a Estación de Santa Cruz de Ribadulla en Vedra.
Etiqueta: Feminismo
Radio Frontón
Radio Frontón, un podcast do BNG con contidos de hoxe para construír a Galiza de mañá.
Cristais de Meraki
Somos Marta e Ana e temos un podcast para falar con mulleres novas que fan cousas e das cousas que nós facemos. Entre risas e choros intentamos aprender algo máis sobre saúde mental e o mundo caótico no que nos tocou vivir. A todo isto, como estades?
Cultura a todas Luzes
A actualidade da cultura galega nun podcast a dúas voces e diversas luces: literatura, teatro, música, exposicións…entrevistas e debates nun ton desenfadado.
Espazo Brétema
Un espazo onde falar de arte e cultura en galego de maneira didáctica e distendida. Un lugar onde coñecer sobre o mundo da Historia da Arte e aprender xuntas.
Voces do CEXEF
Podcast do Centro de Estudos de Xénero e Feministas da Universidade da Coruña. Unha pílula sonora que se achegará ás diversas liñas, temáticas e perspectivas -no ámbito dos estudos de xénero-feministas- que se están a tratar no CEXEF a través das voces das súas investigadoras.
A maçã da Eva
Dúas mulleres que pasan dos corenta falan abertamente e con moita retranca de sexo e relacións afectivas.
Isolda, Diana e Martín viven nun mocasín
Isolda, Diana e Martín deciden desafiuzar aos ricos dos seus propios mocasíns, para crear neste un espazo de creación, sabedoría e debate, onde todas somos unhas xenias.
Falar Sen Saber
Falamos de merdas os domingos, pero en galego. Estamos en iVoox e Spotify, para que non nos escoitedes aló tampouco! Si, somos cutres.
Patinho en Twitch
A Eva Patinho dixo que quería falar e falamos, sen guións mais ben falado.
Rúa Revolta
Rúa Revolta é un podcast e programa de radio que pode ser escoitado en Radio Fene (13:35 e 14:35h de luns a venres) e en Radiofusión (20h de luns a venres). Falamos sobre a sociedade e cultura actuais desde unha perspectiva de xénero. Conducido por Uxía Castro.
Paseando por Compostela con mulleres
Este programa fará un percurso por Compostela (as súas rúas, os seus barrios, as súas parroquias…) coas súas mulleres. A maioría das mulleres das que falaremos son pouco coñecidas, moitas anóminas, e a vida de Compostela, como a de moitos outros lugares, sería impensable sen elas, non estaría escrita.
A Palleira
Un programa de entrevistas no que atoparás conversas de persoas da cultura e da nosa contorna. Falamos arredor de cousas interesantes das súas vidas, pero tamén do cotián.
Radio Ingrávida
Teatro, cultura, comunidade na Radio Ingrávida, a radio da antiga sala teatral, con Irene Moreira.
As Womansplainers
As señoras explícanche cousas. Agora é a nosa quenda.
Macromachismos
Un proxecto da Cátedra Feminismos 4.0 Depo-Uvigo.
A ollada violeta
Neste podcast trataremos temas que teñen que ver con todas nós dende unha perspectiva feminista e en galego.