Recursos

Neste apartado imos deitar recursos e consellos para facer ou escoitar podcasts. [sección en proceso]

Para gravar “en solitario”, recomendamos Audacity ou algún programa similar; mais se es dos que prefiren ter compaña, velaquí tes unha listaxe de software para gravar podcasts entre varias persoas desde distintos puntos, facer entrevistas, etc.

Hai unha chea de sitios para escoller. Aquí poñemos as opcións que nos parecen máis relevantes e interesantes. Ti escolles a que mellor che acaia para o teu propósito.
Anchor
De balde. Sen límite de hosting, ten distribución a todas as plataformas e directorios principais. Permite o uso de música con licenzas privativas se está incluído no catálogo de Spotify. Fornece tamén estatísticas e analíticas de escoita. Ten ferramentas para edición e publicación directa. E dispón de opción para monetizar desde a propia plataforma.
iVoox
De balde, sen límite de hosting*. Distribución nas plataformas de Apple Podcasts e Google Podcasts**. Permite o uso de música con licenzas privativas. Fornece tamén estatísticas e analíticas de escoita. Opcións Premium de pago a partir de 6,99 € e co opción de monetizar.
*Ate 120 minutos por episodio e até 20 episodios no feed. Tamén reduce a calidade do mp3. ** Só nas contas de pago.
Red Circle
Hospedaxe sen límites e de balde. Estatísticas e distribución nas principais plataformas. Sistema de monetización con distintas opcións.
Spreaker
Gratis até 5 horas, 10 episodios e 15 minutos de emisión en directo por streaming. Plans PRO desde 100 horas e 6 €. Estatísticas básicas para contas de balde e opcións premium para as PRO, incluída monetización.
Blubrry
Boa integración con WordPress (teñen plugin propio para iso). Plans PRO desde 100 MB/mes e 12 $. Inclúe estatísticas e sitio web propio con WP.
Libsyn
Unha das máis veteranas. Plans PRO desde 100 MB/mes e 5 $.
PodBean
Outra das veteranas. Plan básico de balde até 5 horas e plans PRO desde 9 $/mes con hospedaxe ilimitado. Tamén ofrece estatísticas e opcións de monetización.
BuzzSprout
Plan básico de balde até 2 horas/mes (e até 90 días, despois borran) e plans PRO desde 12 $/mes con até 3 horas/mes (permanentes e 4 $ por cada hora que se pase das 3). Tamén ofrece estatísticas.
Podigee
Plans PRO desde 12 €/mes sen límites para 1 podcast. Tamén ofrece optimización de audio con Auphonic e estatísticas.
Podomatic
Gratis até 500 MB. Plans PRO desde 2 GB e 2,49 $. Estatísticas básicas para contas de balde e opcións premium para as PRO, incluída monetización.

Aquí podedes atopar algúns recursos libres, ou case, que podedes empregar para o voso podcast. Ollo sempre as licenzas*. Se permiten só o uso non lucrativo non deberiades empregalas se ides “monetizar”.

Obradoiro “Hardware para podcasting”

https://peertube.su/videos/watch/9d0adf60-11b5-41c9-9569-bb9c3a18fee6

Hardware para podcasting – PodGalego“, por Roi Rodríguez e Jorge Lama, CC-BY-SA.

Outros recursos

Se o teu falangullo non está en Podgalego, avisa e engadímolo!