Programa matinal, dirixido e presentado por Pablo García, con dedicatorias musicais, felicitacións de aniversario, información e entretemento, seccións de humor e entrevistas de actualidade.
Radio Estrada ofrece algúns dos seus programas en formato podcast, visita a súa web para escoller o que máis che guste ou subscríbete ao RSS.
O primeiro asalto ó dia!! Programa despertador de Radio Estrada con adicatorias musicais, información, entretemento e concursos!
️ Relatos Urbanos |
Nesta nova entrega de Relatos Urbanos viaxamos no tempo ata a A Estrada dos anos 60 e 70, unha época dourada para a música en directo, os bailes de verbena e os conxuntos que puxeron banda sonora a toda unha xeración.
Falamos dos grupos e orquestras estradenses que marcaron aqueles anos, cando a música se aprendía tocando, ensaiando e facendo quilómetros por festas e salas de toda Galicia… e máis alá.
Neste episodio lembramos:
O son e o espírito da música dos anos 60
Os conxuntos e orquestras da Estrada:
Los Chiky’s
Orquesta Venus
Orquesta Iberia
Toxo Verde
Los Locos / Los Leones
O salto xeracional cara aos anos 80 e 90, coa traxectoria internacional de Vicente Jorro, saxofonista que formou parte de proxectos como Juan Pardo, América ou Canadá
Grupos como TNT e La Señal
E como peza moi especial, escoitamos un audio histórico de 1967, unha gravación recuperada como homenaxe a Los Chiky’s
Un programa para lembrar, recoñecer e poñer en valor a historia musical da Estrada, contada dende a memoria colectiva, os sons de época e o orgullo de vila.
Relatos Urbanos, memoria sonora da nosa xente.
