Programa matinal, dirixido e presentado por Pablo García, con dedicatorias musicais, felicitacións de aniversario, información e entretemento, seccións de humor e entrevistas de actualidade.
Radio Estrada ofrece algúns dos seus programas en formato podcast, visita a súa web para escoller o que máis che guste ou subscríbete ao RSS.
Elba Pedrosa, licenciada en Ciencias da Información, é unha persoa de carácter inquedo e dinámico que tanto escribe libros como imparte cursos de formación a profesionais de distintos ámbitos, exerce de actriz ou colabora con medios de comunicación. Froito de todo este labor realizado en campos tan diferentes e diversos como os citados é este ensaio divulgativo escrito desde a experiencia e a práctica contrastada. Elba foxe das teorizacións innecesarias e da exposición tediosa e ofrécenos un manual repleto de indicacións enxeñosas e reflexións moi útiles e aplicables ao mundo da empresa ou da educación.
A historia da bela dormente funciona como fío condutor dun relato que se introduce nas múltiples facetas do pensamento creativo, que se poden atopar nesta historia clásica. Unha historia, por outra banda, que a autora reinterpreta de xeito moi persoal para ensinarnos como afrontar os obstáculos que se nos presentan ao longo do camiño da vida. E as receitas que dá a autora están relacionadas directamente con termos como paixón, ilusión e ardimento.
O conto da bela dormente é unha parábola do que nos acontece durante a vida. A medida que medramos, imos perdendo a inocencia primixenia e as ganas de aprender e arriscar. Os adultos, en moitas ocasións, xa non miran con curiosidade a súa contorna e van durmindo nun soño plácido e calmo. Cada capítulo do libro péchase cunha serie de exercicios que nos levan a reflexionar sobre a nosa actitude vital e nos impelen a non deixarnos arrastrar pola corrente do conformismo.
Elba proponnos unha forma de vivir e aprender máis acorde cos tempos que vivimos e amósanos que se pode aprender a ser creativo. Ensínanos tamén a avanzar como persoas, a superar atrancos e a gozar aprendendo. A autora defende a tese de que, ao gozarmos, aprendemos máis e mellor. Este libro anímanos a destapar o neno que todos levamos dentro e que, veces dabondo, se atopa amodorrado.
🔊”A creatividade é boa para todo na vida”.
🔊”O pensamento creativo implica conectar ideas para xerar solucións para solucionar os problemas que se nós presentan”.
🔊”A xente tende a pensar que non é creativa pero se nos paramos a pensar un pouco todos podemos xerar solucións creativas”.
✔️📕Mercar o libro “DESPERTANDO LA CREATIVIDAD”: https://www.profiteditorial.com/libro/despertando-la-creatividad/
✔️📚Mercar o libro “O QUE NON SABIAS”:
https://www.xerais.gal/libro.php?id=6167708
👉Máis Información ELBA PEDROSA:
✔️Páxina Web: https://www.elbapedrosa.com/sobre-mi/
✔️Facebook: https://www.facebook.com/ElbaPedrosaOficial
✔️Twitter: https://twitter.com/elbapedrosa
✔️Instagram: https://www.instagram.com/elbapedrosa/
🎙️Se che gustan os contidos “SUSCRÍBETE” ao podcast👍
👉Máis Información e outras entrevistas:
✔️Facebook: https://www.facebook.com/PabloChichas
✔️Twitter: https://twitter.com/pablochichas
✔️Instagram: https://www.instagram.com/pablochichas/
✔️Clubhouse: @pablochichas
✔️Twich: https://www.twitch.tv/pablochichas
