Grandes Vozes do Nosso Mundo é un programa de Radio Burela, dirixido e presentado por Marco Pereira coa colaboración de Silvera Vicente de Oliveira.
Unha iniciativa feita desde a Mariña do Cantábrico para favorecer o diálogo musical entre todas as grandes voces do noso mundo. As da música galega e as dos países que acolleron e deron vida ao noso idioma: as grandes voces de Portugal e do Brasil, de Cabo Verde, Angola e Mozambique… e aínda máis.
Vinte e cinco anos despois de ser fundada, pode unha banda de música metálica continuar na vangarda, se xa está -con toda xustiza- nese reducido grupo de formacións consideradas clásicas? Xa lles adiantamos que sí, que é posíbel (aínda que non sexa frecuente). Nesta semana constatámolo no Deixe falar, cunha entrevista a Vituco Neira, dos Ruxe-Ruxe.
Conversamos sobre o disco 25 ANOS RUXINDO: TRIBUTO A RUXE RUXE, sobre a exposición RUXE RUXE 1996 – 2021 | 25 ANOS DE UNIVERSO GRÁFICO” e non esquecemos outro dos concertos de celebración: o do Gato’s, de Melide, incluído no Ciclo Xacobeo 2021-2022.