Podcast que busca rescatar e dignificar a memoria daqueles homes e mulleres perseguidos polo franquismo e que reconstrúe, a través dos seus propios relatos, a experiencia vivida durante a guerra civil.
Dirixido e presentado por Nuria López.
Podcast que busca rescatar a memoria dos homes e mulleres perseguidos polo franquismo e que reconstrúe, a través dos seus propios relatos, a experiencia vivida durante a guerra civil.
Neste capítulo propoñémosvos viaxar ao corazón industrial de Galicia dos anos 70; a aquel ano 1972 en que a clase obreira galega puxo contra as cordas un réxime que comezaba a esmorecer.
Milleiros de traballadores participaron nas protestas que paralizaron Ferrol e Vigo e que se saldaron con dous traballadores mortos, dúcias de feridos e centos de despedidos e de detidos, moitos deles encarcerados. Tras delas, virían as protestas estudantís de Compostela desatadas tras o asasinato a mans da policía franquista do estudante Chema Fuentes.
Rememoramos o ocorrido con Víctor Santidrián, da Fundación 10 de marzo, con Alfonso Tellado, Fina Varela, Suso Chaves e Telmo Varela, represaliados, e con Manuel Mera, fundador de ERGA.
Grazas aos seis e tamén a Manuel Reboiras, Concha de la Fuente e Xosé Ramón Varela por axudarme a tecer a rede que fai posible este traballo.
