Rumboia é un programa producido pola Asociación de Gaiteir@s Galeg@s, un espazo para a música tradicional e folk galego. Presentaremos, en Rumboia, novos traballos discográficos e lembraremos a grupos e solistas que contribuíron coas súas músicas a crear ese importantísimo patrimonio que xa forma parte da nosa identidade como pobo.
A Asociación de Gaiteir@s Galeg@s é a asociación que representa a todas as persoas que tocan, cantan, bailan e senten a nosa música tradicional.
Grazas a PontevedraViva, Rumboia ten unha nova canle para dar a coñecer, e facerte gozar, coa música feita no país.
Rumboia é un programa producido pola Asociación de Gaiteir@s Galeg@s, un espazo para a música tradicional e folk galego. Presentaremos, en Rumboia, novos traballos discográficos e lembraremos a grupos e solistas que contribuíron coas súas músicas a crear ese importantísimo patrimonio que xa forma parte da nosa identidade como pobo.
A Asociación de Gaiteir@s Galeg@s é a asociación que representa a todas as persoas que tocan, cantan, bailan e senten a nosa música tradicional. Grazas a PontevedraViva, Rumboia terá unha nova canle para dar a coñecer, e facerte disfrutar, coa música feita no país.
A Banda das Crechas é a faciana “dun universo colectivo que se comenzou a construír entre todos arredor da conversa, da arte, da música ao vivo, do amor polo propio e a curiosidade polo alleo” na santiaguesa Casa das Crechas. Un conxunto aberto, unha banda 2.0 na que músicos habituais e intérpretes ocasionais únense para manter viva a tradición, o son e a emoción da foliada.
No 2010 fixeron a gravación do traballo 'ABDC', un disco que é o rexistro dunha desas noites de canto e de baile, honrando a historia da Casa das Crechas que leva sendo dende mediados do século XIX. Dada a idiosincrasia da Banda e do disco, non caben todos os intérpretes, así que este traballo é tamén unha homenaxe a autores anónimos e autores ben coñecidos que pasaron por este lugar, e unha homenaxe a todos aqueles espazos que, como a Casa das Crechas, son lugares de encontro e paixón.