Esta versión radiofónica de Ábrete de Orellas repasa concertos no país, novidades discográficas que chegan á redacción orelluda e recupera cancións do pasado máis ou menos recente.
Ábrete de Orellas xurdiu en Ferrol aló polo 1997 coma un programa radiofónico e foi crecendo a carón do seu director Pepe Cunha. Ao tempo que espallaba a súa faceta de comentarista musical por diversos medios (Radio Kaos, Rádio FilispiM, Diario de Ferrol, Radio Fene, De troula, Xornal de Galicia, TVG … ). En 2003 creou www.abretedeorellas.com, portal especializado en música e concertos na Galiza. Cunha atención especial a artistas, salas e produtoras do país, non pretende crear tendencias, senón divulgar, ser un punto de encontro das diferentes propostas. Máis de 2300 seareir@s en facebook e máis de 20000 visitas no último ano animan a seguir mellorando.
versión radiofónica de Ábrete de orellas.com dirixida por Pepe Cunha. Unha selección musical ecléctica inspirada na axenda de concertos en Galiza e novidades discográficas. Gravado e emitido ao vivo en Rádio FilispiM (a emisora libre e comunitaria da Terra de Trasancos que emite desde Ferrol), este programa é redifundido tamén por CUAC FM (A Coruña), A Kalimera (Compostela), Radio Pîratona (Vigo), Radio Fedello (Ourense), Radio Roncudo (Corme) e Onda Neria (Corcubión)
Coincidindo coa entrada do 2018, únense Radio Redondela e Radio Negreira ás redifusións do programa. Tamén nas grellas de PontevedraViva radio e A Xente de Teo
1 Víctor Coyote “Así Me Tratan Ahora”
2 La Perra Blanco con JD McPherson “Sin amor”
3 Carlangas feat Leiva “Podría ser peor”
4 Familia Caamagno “Bomba de calor”
5 The Homens “A bolda de Toquio”
6 Zavala “Corvo negro”
7 Su Garrido Pombo “O Vira”
8 Uxía, Mondra e Malvela “Pola Rúa de San Pedro”
9 Sés “Sigo escollendo a utopía”
10 A Banda da Loba “O cora” 🫀
11 Lumedoloop “Involución”
12 Rebeliom do Inframundo feat. Kaze “Balas”
13 Sangenjo “Capitalismo”
14 Maneiro “A miña mellor versión”
15 Tesouro “Sós”
