Recendo é o mazagine cultural radiofónico da Agrupación Cultural Alexandre Bóveda que trata sobre cultura galega. Integrantes do programa: Roberto Catoira (técnico), Antonio Brea (técnico-locutor), Javier Pereira (productor-locutor), Gema Millán (locutora), Marta López (locutora) e Manu Castiñeira (locutor).
Categoría: _Activo
Té con Gotas
Podcast sobre ideas e actualidade no Reino Unido. Falaremos das últimas novidades do que está acontecendo neste país e entrevistaremos a galegos e galegas que estean traballando en cousas interesantes das que paga a pena aprender. Dirixido por Miguel Rodríguez Fernández e Duarte Romero Varela.
A Gruta de Gizamaluke
Podcast da Revista Morcego sobre videoxogos en galego. Repasamos a actualidade da industria, conversamos sobre títulos, analizamos xogos e opinamos da vida.
Higher Street
Programa de música electrónica feito por Iván Mera. Radio_activos desde 1997 | jazz | soul | funk | free | rap | d&b | electro | deep | breaks | trip hop | …
Podcast Radio Galega
A Radio Galega dispón dunha ampla sección de Podcast, que para non saturar o directorio, linkamos desde esta entrada. Dándolle o link RSS ao gran programa do Diario Cultural. Desde novembro de 2021, creou un espazo para podcásts nativos: radiogalegapodcast.gal.
Conversas na Ferrería
Conversas na Ferrería, o faladoiro semanal. O que sucede, o que inquieta, o que preocupa e o que ocupa a atención dos contertulios e de ti oínte de PontevedraViva Radio.
Galiza…algo máis
Programa semanal en galego feito desde Catalunya. Presentado e dirixido por un grupo de galegocataláns con inquedanzas no ámbito da actualidade e da cultura.
Gurrucho de Vozcast
Programa no que charlamos sobre os nosos gustos e inquedanzas: literatura, cinema, banda deseñada, series ou o que se nos pase pola cachola, e en galego.
Burán
Burán é unha nave da URSS nunha misión espacial que vive a desintegración soviética, quedando en órbita sen un país que os recolla. Os tripulantes quedan pois á súa sorte vagando no espazo. Non se lles ocorre nada mellor que facer un programa de radio. Tripulación: Nela, Iria, Mario e Isaac.
Off Mental
OFF MENTAL, a cara “B” da música na cara “B” da radio. Presenta: Pequeno Monstro.
80 Vinilos/h
80 Vinilos/h, un programa de música estatal dos 80´s con especial parada nas rarezas de “La Movida” e inclusión da Enciclopedia Estatal desta década.
Radio Cerna
RADIO CERNA é a única produción radiofónica de Galiza especializada en medio ambiente e ecoloxismo. Trátase dun proxecto pioneiro no país que, a través do soporte sonoro, aborda a cuestión ambiental e cultural desde unha óptica local. Nace en 2005 da man de ADEGA.
Efervesciencia
Efervesciencia é un dos programas de divulgación científica máis veteranos do dial en toda España. Naceu en outubro de 2006 da man de Manuel Vicente e polos seus micros xa pasaron ao redor de 1000 científicos.
O Recanto do Corcovado
Programa musical especializado. Dirixo e presentado por Lois Atanes, o programa procura construír sinerxías musicais plurais sen que o estilo ou o país de procedencia importen. Jazz, ritmos étnicos, canción de autor, folk, música tradicional, sons experimentais… todo pode encaixar a través da calidade como único e indiscutible criterio. Vigo/Tampere (Spain/Finland) desde 2000.
Ábrete de Orellas
Esta versión radiofónica de Ábrete de Orellas repasa concertos no país, novidades discográficas que chegan á redacción orelluda e recupera cancións do pasado máis ou menos recente. Ábrete de Orellas xurdiu en Ferrol aló polo 1997 coma un programa radiofónico e foi crecendo a carón do seu director Pepe Cunha. Ao tempo que espallaba a… Seguir lendo Ábrete de Orellas
Alegría
Falamos de política, temas de actualidade, realizamos entrevistas case en cada programa e adicamos uns minutos á Econova de Bea Ulalume. Todo iso misturado con boa música e un pouco de humor se o tema o permite.
Habitando
Habitando é o podcast, ou falangullo como nos gusta máis decirlle en Galicia, de Arquitectura Sen Fronteiras. O último venres de cada mes estaremos no teu podcatcher favorito cun novo episodio, ou pásate por aquí para escoitalo ou descargalo directamente.
Salta da Cama
Programa matinal, dirixido e presentado por Pablo García, con dedicatorias musicais, felicitacións de aniversario, información e entretemento, seccións de humor e entrevistas de actualidade. Radio Estrada ofrece algúns dos seus programas en formato podcast, visita a súa web para escoller o que máis che guste ou subscríbete ao RSS.
Grandes Vozes do Nosso Mundo
Grandes Vozes do Nosso Mundo é un programa de Radio Burela, dirixido e presentado por Marco Pereira coa colaboración de Silvera Vicente de Oliveira. Unha iniciativa feita desde a Mariña do Cantábrico para favorecer o diálogo musical entre todas as grandes voces do noso mundo. As da música galega e as dos países que acolleron… Seguir lendo Grandes Vozes do Nosso Mundo
Poética Lunik
Poesías siderais. No ano 2030 a terra é volatilizada, os comandantes de sendas naves espaciais son os derradeiros humanos vivos. Perdidos na inmensidade do espazo exterior, sabendo da súa soidade, cando as frecuentes tormentas solares o permiten, contactan para compartir o máis prezado que teñen: Poemas.