areias:sonoras

as areias comuns metem-se nos olhos,as areias sonoras entram pelas orelhas. Falangullo persoal de ideas ventureiras, pensamentos peregrinos, anacos de memoria, ferruxe emocional e viaxes de ida e volta. Producido entre 2006 e 2009. Foi un dos primeiros feitos en galego. Regresou no 2020.

As Conversas da Lobeira

Novo xeito de consumir algún do contido de A Lobeira today. Hoxe nace As Conversas da Lobeira!! Por aquí iran chegando a razón de un cada domingo, todos os audios dos directos mantidos a través do instagram durante este período de volta á normalidade, e quen sabe se despois tamén.

Castañas no verán

O noso é o social! Descubre o noso souto radiofónico deseñado para entreter, acompañar e sobre todo falar de temas que normalmente quedan agochados pero que afectan a moitas persoas en todo o mundo.

Sesión Vermú

Rubén, Jenni e Jimmy xúntanse tratando de facer risa. Cada quince días (máis ou menos), porno auditivo en Spotify. Un podcast para facer a pera.

Enxeñería Sen Fronteiras Radio

ESF Radio. O podcast de Enxeñería Sen Fronteiras Galicia Un espazo de creación colectiva para cambiar a sociedade poñendo a tecnoloxía ao servizo do ben común. ESF aposta polo voluntariado como unha actividade transformadora en si mesma.

Comer e falar todo é comezar

Programa sobre Gastronomía galega emitido durante 8 anos na Radio Galega, agora en SI RADIO GALICIA. Todos os domingos de 13:0 a 14:00, Xosé Manuel García no canal de Ivoox, fai un percorrido pola gastronomia galega e a sua xente, e tamén no blog. Un percorrido por todo o que ten que ver co mundo… Seguir lendo Comer e falar todo é comezar

Rumboia

Rumboia é un programa producido pola Asociación de Gaiteir@s Galeg@s, un espazo para a música tradicional e folk galego. Presentaremos, en Rumboia, novos traballos discográficos e lembraremos a grupos e solistas que contribuíron coas súas músicas a crear ese importantísimo patrimonio que xa forma parte da nosa identidade como pobo. A Asociación de Gaiteir@s Galeg@s… Seguir lendo Rumboia

Recendo

Recendo é o mazagine cultural radiofónico da Agrupación Cultural Alexandre Bóveda que trata sobre cultura galega. Integrantes do programa: Roberto Catoira (técnico), Antonio Brea (técnico-locutor), Javier Pereira (productor-locutor), Gema Millán (locutora), Marta López (locutora) e Manu Castiñeira (locutor).

A Gruta de Gizamaluke

Podcast da Revista Morcego sobre videoxogos en galego. Repasamos a actualidade da industria, conversamos sobre títulos, analizamos xogos e opinamos da vida.

Higher Street

Programa de música electrónica feito por Iván Mera. Radio_activos desde 1997 | jazz | soul | funk | free | rap | d&b | electro | deep | breaks | trip hop | …

Burán

Burán é unha nave da URSS nunha misión espacial que vive a desintegración soviética, quedando en órbita sen un país que os recolla. Os tripulantes quedan pois á súa sorte vagando no espazo. Non se lles ocorre nada mellor que facer un programa de radio. Tripulación: Nela, Iria, Mario e Isaac.

Off Mental

OFF MENTAL, a cara “B” da música na cara “B” da radio. Presenta: Pequeno Monstro.

Radio Cerna

RADIO CERNA é a única produción radiofónica de Galiza especializada en medio ambiente e ecoloxismo. Trátase dun proxecto pioneiro no país que, a través do soporte sonoro, aborda a cuestión ambiental e cultural desde unha óptica local. Nace en 2005 da man de ADEGA.

Efervesciencia

Efervesciencia é un dos programas de divulgación científica máis veteranos do dial en toda España. Naceu en outubro de 2006 da man de Manuel Vicente e polos seus micros xa pasaron ao redor de 1000 científicos.

O Recanto do Corcovado

Programa musical especializado. Dirixo e presentado por Lois Atanes, o programa procura construír sinerxías musicais plurais sen que o estilo ou o país de procedencia importen. Jazz, ritmos étnicos, canción de autor, folk, música tradicional, sons experimentais… todo pode encaixar a través da calidade como único e indiscutible criterio. Vigo/Tampere (Spain/Finland) desde 2000.

Ábrete de Orellas

Esta versión radiofónica de Ábrete de Orellas repasa concertos no país, novidades discográficas que chegan á redacción orelluda e recupera cancións do pasado máis ou menos recente. Ábrete de Orellas xurdiu en Ferrol aló polo 1997 coma un programa radiofónico e foi crecendo a carón do seu director Pepe Cunha. Ao tempo que espallaba a… Seguir lendo Ábrete de Orellas

Alegría

Falamos de política, temas de actualidade, realizamos entrevistas case en cada programa e adicamos uns minutos á Econova de Bea Ulalume. Todo iso misturado con boa música e un pouco de humor se o tema o permite.

Habitando

Habitando é o podcast, ou falangullo como nos gusta máis decirlle en Galicia, de Arquitectura Sen Fronteiras. O último venres de cada mes estaremos no teu podcatcher favorito cun novo episodio, ou pásate por aquí para escoitalo ou descargalo directamente.

Salta da Cama

Programa matinal, dirixido e presentado por Pablo García, con dedicatorias musicais, felicitacións de aniversario, información e entretemento, seccións de humor e entrevistas de actualidade. Radio Estrada ofrece algúns dos seus programas en formato podcast, visita a súa web para escoller o que máis che guste ou subscríbete ao RSS.